తెలంగాణ ముఖ్యమంత్రి రేవంత్ రెడ్డి గారి కోరిక మేరకు, ఆంధ్రప్రదేశ్ ముఖ్యమంత్రి చంద్రబాబు నాయుడు గారు టీటీడీ దర్శనాల కోసం తెలంగాణ రాష్ట్రంలోని ఎంపీలు, ఎమ్మెల్యేలు, ఎమ్మెల్సీలు ఇచ్చిన సిఫారసు లేఖలకు వారానికి 4 సార్లు అనుమతి ఇవ్వడం హర్షనీయమైన పరిణామం అని మాజీ ఎమ్మెల్యే జగ్గారెడ్డి అన్నారు.
ఈ సందర్భంగా జగ్గారెడ్డి మాట్లాడుతూ, “తెలంగాణ ముఖ్యమంత్రి రేవంత్ రెడ్డి గారు ఈ విషయంపై ఆమోదం తెలుపుతూ లేఖ రాయడం, అనేక భక్తుల ప్రయోజనాలను దృష్టిలో ఉంచుకుని, తెలంగాణ ప్రజా ప్రతినిధులను గౌరవించిన చర్య. ఇందు ద్వారా భక్తులకు సౌకర్యంగా ఉంటుంది. ఈ నిర్ణయం ఏపీ సీఎం చంద్రబాబు నాయుడు గారి దయను, దౌత్సాహ్యాన్ని చాటుతుంది,” అని అభిప్రాయపడ్డారు.
జగ్గారెడ్డి గారు, “అలాగే, తెలంగాణలోని మాజీ ఎమ్మెల్యేలు, ఎంపీలు, ఎమ్మెల్సీలు కూడా తమ సిఫారసు లేఖలను ఆమోదించాలని, ఈ విషయంలో ఏపీ సీఎం చంద్రబాబు నాయుడు గారు మరిన్ని చొరవలు తీసుకోవాలని విజ్ఞప్తి చేస్తున్నాను,” అని చెప్పారు.
ఆంధ్రప్రదేశ్ ముఖ్యమంత్రి చంద్రబాబు నాయుడు గారికి, ఈ విషయంలో ప్రత్యేక చొరవ తీసుకోవాలని, అంగీకారాన్ని ప్రకటించేలా తెలంగాణ ముఖ్యమంత్రి రేవంత్ రెడ్డి గారి ద్వారా కూడా లేఖ రాయమని కోరుతున్నట్లు జగ్గారెడ్డి చెప్పారు.
