నేషనల్ అవార్డ్స్ ఫర్ ది ఎంపవర్మెంట్ ఆఫ్ పర్సన్స్ విత్ డిసేబిలిటీస్ 2024: రాష్ట్రపతి చేతుల మీదుగా ఆంధ్రప్రదేశ్ రాష్ట్రం అవార్డు అందుకుంది
న్యూఢిల్లీ, డిసెంబర్ 6, 2024 – ‘నేషనల్ అవార్డ్స్ ఫర్ ది ఎంపవర్మెంట్ ఆఫ్ పర్సన్స్ విత్ డిసేబిలిటీస్ 2024’ కార్యక్రమంలో భాగంగా ఆంధ్రప్రదేశ్ రాష్ట్రం ‘రైట్స్ ఆఫ్ పర్సన్స్ విత్ డిసేబిలిటీస్ యాక్ట్’ అమలులో బెస్ట్ స్టేట్ అవార్డును గౌరవ రాష్ట్రపతి ద్రౌపది ముర్ము గారి చేతుల మీదుగా అందుకుంది. ఈ అవార్డు సమగ్ర శిక్షా రాష్ట్ర పథక సంచాలకులు బి. శ్రీనివాసరావు గారు, ఏఎస్పిడి ప్రసన్నకుమార్‌లకు అందజేయడం జరిగింది.
ఈ అవార్డు సాధించేందుకు కృషి చేసిన విద్యాశాఖ, సమగ్ర శిక్షా, ఇంక్లూజివ్ ఎడ్యుకేషన్ విభాగాలను విద్యా శాఖ మంత్రి నారా లోకేష్ అభినందించారు. “ఈ అవార్డు సాధించేందుకు కృషి చేసిన ప్రతి ఒక్కరికి నా హృదయపూర్వక అభినందనలు. ఇది మన రాష్ట్రం యొక్క సామాజిక సంక్షేమంలో చేసిన ప్రయాణాన్ని ప్రతిబింబిస్తుంది. ప్రత్యేక అవసరాలున్న వ్యక్తుల సంక్షేమంలో మనం ఎప్పుడూ ముందుంటూ, ఉత్తమ సేవలు అందించేందుకు కృషి చేస్తూనే ఉన్నాం,” అని మంత్రి నారా లోకేష్ తెలిపారు.
ఈ అవార్డు రాష్ట్రానికి, ప్రత్యేక అవసరాలు ఉన్న వ్యక్తుల సంక్షేమం మరియు వారి హక్కుల పరిరక్షణలో చేసిన ప్రగతి, మరియు సమాజంలో సమానత్వాన్ని సాధించడంలో చేసిన కృషి యొక్క గొప్ప గుర్తింపుగా నిలిచింది.
